• FOLLOW US AT
  • WHATSAPP SUBSCRIPTION
  • Whatsapp

    About Us

    Huzoor Shahbaz E Deccan Daamat Barkatuhmul Qudsiya Ki Khwahish Thi Ke Sarzameen E Hyderabad Me Ek Ahlesunnat Wa Jamaat Ka Markaz Aur Platform Ho, Jahan Se Ahlesunnat Wa Jamaat Ya’ani Maslak E A’alahazrat Ki Sahih Ta’leemaat, Deen E Haq Ki Sahih Tarweej O Isha’at Ho, Aur Awaam E Ahlesunnat Ki Behtar Numaaindagi (Representation) Ki Jaasake Aur Hamari Qaum Ko Badd Aqeedaun Ki Badd Aqeedgi Aur Gumraahaun Ki Gumraahi Se Bacha Sake Aur Jahan Se Ahqaaq E Haq Aur Ibtaal E Baatil Ka Fareeza Ba Tareeqe Ahsan (In the Best Way) Anjaam Diya Jaasake.

    Isi Dard O Ehsaas Ko Liye, Huzoor Shahbaz E Deccan Daamzillahul A’ali Apna Da’wati Aur Tableeghi Safar Taye Karte Rahe Yahan Tak Ke Woh Mubarak Ghadi Aa Pahunchi Jab Qazi ul Quzaat Fil Hind Huzoor Tajush sharee’ah, Nabeera E A’alahazrat, Hazrat Allama Akhtar Raza Khan Qadri Barkaati Azhari Barelvi Rahmatullahi Ta’ala Alaih Ki Tashreef Aawari Sarzameen E Hyderabad, Deccan Par Hui; Aur 26 Zilhajjah 1432 Mutabiq 23 November 2011 Ko Aap Ke Muqaddas Haathaun Se Markaz E Ahlesunnat Wa Jamaat Hyderabad Ka Sang E Buniyaad Wadi E Raza, Ali Nagar, Errakunta, Shaheen Nagar Ki Sarzameen Par Amal Me Aaya.

    Goals And Objectives:


    ...
    • Deen E Islaam Ke Tahaffuz O Baqa Ki Khaatir Madaaris E Islaamiya Aur Masaajid Ka Qayaam.
    • Khidmat E Deen Aur Radd E Firqah E Baatila Ki Khaatir Ulama E Islaam Aur Daa’iyaan E Deen Ki Jamaat Tayyaar Karna.
    • Ahqaaq E Haq Aur Ibtaal E Baatil Ke Fareezah Ki Anjaam Dahi.
    • Awaam E Ahlesunnat Ke Aqaaid, A’maal Aur Akhlaaq ki Islaah
    • Masaajid E Ahlesunnat Me A’imma E Izaam Ka Aur Ramazanul Mubarak Me Huffaaz Ka Taqarrur Karna
    • Zaruratmand Taalibaan E Uloom E Nabawiyah Ke Liye Wazaaif (Pension) Muqarrar Karna.
    • Daarul Uloom Faiz E Raza, Shaheen Nagar Ke Liye Azeem Ush Shaan Darsgahi Imaarat Aur Daarul Iqaamah (Hostel) Chaar Manzila Imaarat (4-Story Building) Ta’meer Karna.
    • Madrasatul Banaat Faatima Jaan Ki Mustaqil Chaar Manzila Imaarat (4-Story Building) Ta’meer Karna.
    • Madrasatul Banaat Ke Liye Aamad O Raft(Transport Facility) Ke Liye Bus Service.
    • Daarul Iftaah Ka Qayaam Amal Me Laana, Jahan Se Maahir, Experienced Muftiyaan E Islaam Ke Zariye Qaum E Muslim Ke Masaail Ka Quran O Sunnat Ki Raushni Me Hal Pesh Karna.
    • Daarul Tasneef Aur Daarul Ishaa’at Ka Qayaam Amal Me Laana, Jahan Se Maahir, Baa Salaahiyat Qalam Kaaraun (Writers) Se Pesh Aamidah Masaail Aur Farogh E Sunniyat Ke Liye Books, Brochures Aur Pamphlets Tahreer Karwaana Aur Publish Karna.
    • Azeem Ush Shaan Islaamic Library Ka Qayaam, Jis Se Ulama, Students Aur Daanishwaraan E Qaum (Intellectuals) Aur Awaam Istefaada Karsake.
    • Ishaa’at E Islaam, Deeni Bedaari(Awareness) Aur Farogh E Sunniyat Ki Gharz Se Sheher Ke Atraaf O Aknaaf Me Subahiya Aur Masaahiya Madaaris O Makaatib Ka Qayaam.
    • Sheher O Azlaa (Districts) Me Qaum E Muslim Khususan Naojawanaan E Ahlesunnat Ke Aqaaid, A’amaal Aur Akhlaaq Ki Islaah Ki Gharz Se Weekly Aur Monthly Deeni Tarbiyati Ijtemaat Ka Ineqaad.
    • Dukhtaraan E Islaam (Ladies) Ko Zewar E Ilm E Deen Aur Ehkaam E Sharee’at Se Waaqif Karaane Ki Gharz Se Weekly Aur Monthly Khawaateen E Islaam Ke Ijtema’aat.
    • Aaj Ki Is Taraqqi Yaafta Aur Maadiyat Ke Daur Me New Technologies Ke Zariye Saari Duniya Me Paighaamaat E Raza Aam Karna.
    • Aaj Ke Is Pur Fitan Aur Taraqqi Yaafta Daur Me Ghar Ghar Mazhab E Islaam Ki Sahih Ta’leem Aur Aqaaid O Ma’moolaat E Ahlesunnat Se Roshnaas Karaane Ke Liye Urdu, Arabic, English, Telugu Aur Hindi Me Monthly Magazines Ka Ijra Aur Waqtan Fauqtan Brochures Aur Pamphlets Ki Taqseem.
    • Khidmat E Khalq Ki Gharz Se Dispensary Ka Qayaam.
    • Door Daraaz Se Tashreef Laane Waale Muhibbeen, Mutawalleen, Mutawassileen, Mureedeen Aur Students Ke Liye Mehmaan Khaana (Guest House) Ka Qayaam.
    • Zaruratmand Aur Mohtaaj Awaam E Ahlesunnat Tak Ration Aur Anaaj Ki Fraahami.

    • Rab Tabaarak Wa Ta’ala Se Dua Hai Ke Apne Habeeb E Paak ke Sadqe Me Ise Hamein Poora Karne Ki Taufeeq Aur Azm O Hausla Ata Farmaye. Aameen Bijaahi Sayyidul Mursaleen